678683, РС(Якутия), Чурапчинский улус, с. Толон, ул. Т.Егорова, 2/1
Олунньу 13 күнэ – бастакы сахалыы сурук-бичик алпаабытын төрүттээбит, лингибиис С.А. Новгородов төрөөбүт күнэ уонна Ийэ тыл күнэ. Сахабыт сирин тилийэ ийэ тыл илгэтин, төрүт тыл төлкөтүн түстүүр үгүс тэрээһиннэр ыытылыннылар. Ол курдук Бахсы олохтоох библиотекатын иһинэн алын сүһүөх уонна орто кылаас оҕолоругар «Хомоҕой хоһоон» диэн хоһоон ааҕыытыгар куонкурус ыытылынна. Барыта холбоон 13 оҕо кытынна.
Кинигэни таптааччылар куруһуок оҕолоругар сахалыы Ийэ тылынан саҥаралларын бигэргэтэн сөбүлүүр аахпыт кинигэлэриттэн дорҕоонноохтук ааҕан иһитиннэрдилэр, өс хоһооннору таабырыннары таайсыыга күрэхтэстилэр. Улахан дьон уонна Д.Г.Барашков аатынан Бахсы орто оскуолатын 8 кылааһын үөрэнээччилэрэ сахалыы дьыктаан суруйдулар.