Путин үлэлиир биэнсийэлээхтэр биэнсийэлэрин индексациялыыр туһунан сокуоҥҥа илии баттаата
РФ бэрэсидьиэнэ Владимир Путин үлэлиир биэнсийэлээхтэр биэнсийэлэрин индексациялыыр туһунан сокуоҥҥа илии баттаата, ол туһунан туһааннаах докумуон официальнай интернет-порталга бэчээттэннэ.Тустаах дьаһал 2025 сыл тохсунньу 1 күнүттэн үлэлээн саҕалыаҕа.Үлэлиир биэнсийэлээхтэр страховой биэнсийэлэрин уонна төлөбүрдэри 2024 сыл ахсынньы 31 күнүнээҕи олохтоммут кээмэйинэн ылыахтара, онно урукку сылларга ылбатах индексациялааһын харчыта учуоттаммат. Биэнсийэ страховой суумата уонна онно туһуламмыт төлөбүр бары көннөрүүлэри, уларыйыылары учуоттаан индексацияланар.Үлэлиир биэнсийэлээхтэргэ 2016-2024 сс. оҥоһуллубут индексациялааһын суумата кинилэр үлэттэн уурайдахтарына эрэ биэнсийэлэригэр эбиллиэҕэ.Россияҕа үлэлиир дьоҥҥо биэнсийэ индексацията 2016 сылга тохтотуллубута.Үлэлиир биэнсийэлээхтэри өйүүр кэм кэллэ диэн көҕүлээһини Россия бэрэсидьиэнэ Владимир Путин бэс ыйын 7 күнүгэр биллэрбитэ. Ол кэнниттэн парламеҥҥа үлэлиир биэнсийэлээхтэр биэнсийэлэрин индексациялыыр туһунан сокуон барылын оҥорорго сорудахтаабытын, Госдуума бэс ыйын бүтүүтүгэр ылыммыта.